« Una uscita in bassa Valtellina di un convalligiano »

A PORESI PROPI DER UNA MAN

“Indo esc sc’teit tot al dì, che t’ei miga vedu in giro?”
“Som sc’teit in basa val a un funeral. L’è iscì più freit de quili part, che chi a Semoc!”
“De che maneira èsc bu de ir a funeral?”
“L’ara al nono de un me soci. L’a una bela età ma al me par miga giusc’t de feghi un funeral iscì brut”.
“Come brut?”
“Esa sc’colta. In gesa al pret l’ara de per lu. Gna un chirichet e gnegun che al la giutà. Doa nona li en cantè su vergota e i en voltè ia al fasc’tidi un po’ de prescia. Se vet che i en usei iscì, ma al me sembrà miga bel.”
“Al ghe de dir che a Semoc un so usei in un’altra maneria.”
“Enca mi ei pensè che un so propi fortunei. Chi de no tota li funzion li en bela. Quan che iscì se diventa propi orgoglios del se paes!”
“Voresi miga ofendet, ma al me par un ragionament un po’ de asen. De quai part gnegun al fe gnent e iora l’e brut, a Semoc al gh’e tanta ent che giuta e iora l’e tot bel. Al seres trop facil! “
“Cus’esc dre a dir su?”
“Enca mi a pensi de sc’pes che a Semoc un so fortunei, ma dopo a pensi anche che l’e miga propi merit mè. Se li roba li van ben, l’e perché tanta ent la lora per la gesa e per al paes. E sc’perem che la dura!”
“Va ben. L’e bel veder i paesan che i den una man. Mi, d’altra part, ei miga temp, ei sempre un sac de fasc’tidi
e som miga gna bon de fer quili roba. D’altra part, fin che al piof al ghe miga de bagner i chemp e fin che li roba li varen ben come incoi se po sc’ter pacific. Se propi m’os de ir indre….”
“A vedesc che t’esc un tamberlo! Èma propri de sc’peiter che li roba li vadien indre per fer vergota?”

Racconto anonimo : di interessante riflessione!!!!!!!!!!